"ბევრი ინფორმაცია მაქვს, ბევრი რაღაც გამოვრიცხე... ვერაფერი ამ გზაზე ვერ შემაჩერებს!" - რას ამბობს გურამ დადიანიძის ოჯახის ადვოკატი ტარიელ კაკაბაძე?

"ბევრი ინფორმაცია მაქვს, ბევრი რაღაც გამოვრიცხე... ვერაფერი ამ გზაზე ვერ შემაჩერებს!" - რას ამბობს გურამ დადიანიძის ოჯახის ადვოკატი ტარიელ კაკაბაძე?

წყარო: palitravideo.ge

"გვსურს, საზოგადოებას მივაწოდოთ ინფორმაცია გურამ დადიანიძის „ფეისბუქ“ გვერდზე განთავსებულ პოსტთან დაკავშირებით ჩატარებული მოკვლევის შედეგებზე" - შსს

12 წლის წინ გა­უ­ჩი­ნა­რე­ბუ­ლი გუ­რამ და­დი­ა­ნი­ძის ფე­ის­ბუქ გვერ­დზე რამ­დე­ნი­მე დღის წინ გა­მოქ­ვეყ­ნე­ბულ პოსტთან და­კავ­ში­რე­ბით შსს ინ­ფორ­მა­ცი­ას აქ­ვეყ­ნებს.

"გვსურს, სა­ზო­გა­დო­ე­ბას მი­ვა­წო­დოთ ინ­ფორ­მა­ცია, დუ­შე­თის მუ­ნი­ცი­პა­ლი­ტეტ­ში გა­უ­ჩი­ნა­რე­ბუ­ლი არას­რულ­წლოვ­ნის გუ­რამ და­დი­ა­ნი­ძის "ფე­ის­ბუქ“ გვერ­დზე გან­თავ­სე­ბულ პოსტთან და­კავ­ში­რე­ბით ჩა­ტა­რე­ბუ­ლი მოკ­ვლე­ვის შე­დე­გებ­ზე.

გუ­რამ და­დი­ა­ნი­ძის "ფე­ის­ბუქ“ გვერ­დზე, მიმ­დი­ნა­რე წლის 18 აგ­ვის­ტოს გან­თავ­სე­ბუ­ლი პოს­ტის წარ­მო­მავ­ლო­ბის დად­გე­ნის მიზ­ნით, მცხე­თა-მთი­ა­ნე­თის პო­ლი­ცი­ის დე­პარ­ტა­მენ­ტის თა­ნამ­შრომ­ლებ­მა ინ­ტენ­სი­ურ რე­ჟიმ­ში გა­ნა­ხორ­ცი­ე­ლეს არა­ერ­თი შე­სა­ბა­მი­სი სა­გა­მო­ძი­ე­ბო და საპ­რო­ცე­სო მოქ­მე­დე­ბა.

ჩა­ტა­რე­ბუ­ლი მოკ­ვლე­ვის შე­დე­გად დად­გინ­და, რომ გუ­რამ და­დი­ა­ნი­ძის ფე­ის­ბუ­ქის გვერ­დზე აღ­ნიშ­ნუ­ლი პოს­ტის გა­მოქ­ვეყ­ნე­ბის შე­სა­ხებ ინ­ფორ­მა­ცი­ას წი­ნას­წარ ფლობ­დნენ, რო­გორც გუ­რამ და­დი­ა­ნი­ძის დედა - სოფო ბი­ბი­ლაშ­ვი­ლი, ასე­ვე ად­ვო­კა­ტი ტა­რი­ელ კა­კა­ბა­ძე. რო­გორც ირ­კვე­ვა, აღ­ნიშ­ნუ­ლი პოს­ტის სო­ცი­ა­ლურ ქსელ­ში გან­თავ­სე­ბა ინ­ტერ­ნეტ აპ­ლი­კა­ცია "ტე­ლეგ­რამ­ში“ შექ­მნილ ჯგუფ­ში და­ი­გეგ­მა, რომ­ლის წევ­რე­ბიც არი­ან გუ­რამ და­დი­ა­ნი­ძის დე­დის ახლო ნა­თე­სა­ვი და სხვა და­ინ­ტე­რე­სე­ბუ­ლი პი­რე­ბი.

ჯგუ­ფის წევ­რე­ბის­თვის ცნო­ბი­ლი გახ­და, რომ წარ­სულ­ში გუ­რამ და­დი­ა­ნი­ძის ტე­ლე­ფო­ნის ნო­მერს, რომ­ლი­თაც და­დი­ა­ნი­ძის ფე­ის­ბუქ პრო­ფი­ლი იყო რე­გის­ტრი­რე­ბუ­ლი, არ ჰყავ­და ახა­ლი მფლო­ბე­ლი და შე­საძ­ლე­ბე­ლი იყო მისი შე­ძე­ნა. აღ­ნიშ­ნუ­ლი ნო­მე­რი შე­ი­ძი­ნა "ტე­ლეგ­რამ“ ჯგუ­ფის ერთ-ერ­თმა წევ­რმა, რის შემ­დე­გაც შე­საძ­ლე­ბე­ლი გახ­და გუ­რამ და­დი­ა­ნი­ძის ფე­ის­ბუქ პრო­ფილ­ზე შეღ­წე­ვა. მოგ­ვი­ა­ნე­ბით კი გუ­რამ და­დი­ა­ნი­ძის ფე­ის­ბუქ პრო­ფილ­ზე სტა­ტუ­სი გა­მო­აქ­ვეყ­ნა ამა­ვე ჯგუ­ფის სა­ქარ­თვე­ლოს ფარ­გლებს გა­რეთ მყოფ­მა ერთ-ერ­თმა წევ­რმა.

ასე­ვე, ჯგუ­ფის წევ­რებ­მა წარ­სულ­ში გუ­რამ და­დი­ა­ნი­ძის მფლო­ბე­ლო­ბა­ში არ­სე­ბულ ტე­ლე­ფო­ნის ნო­მერ­ზე გა­ა­აქ­ტი­უ­რეს სხვა­დას­ხვა აპ­ლი­კა­ცია (WhatsApp; Viber).

მო­ვუ­წო­დებთ ყვე­ლა და­ინ­ტე­რე­სე­ბულ პირს, გუ­რამ და­დი­ა­ნი­ძის გა­უ­ჩი­ნა­რე­ბის ფაქტთან და­კავ­ში­რე­ბუ­ლი, მა­ღა­ლი სა­ზო­გა­დო­ებ­რი­ვი ინ­ტე­რე­სის მქო­ნე სა­კი­თხი არ გა­მო­ი­ყე­ნონ გა­მო­ძი­ე­ბის­თვის ხე­ლის შეშ­ლის­თვის, მო­ქა­ლა­ქე­ე­ბის შეც­დო­მა­ში შეყ­ვა­ნი­სა და დე­ზინ­ფორ­მა­ცი­ის გავ­რცე­ლე­ბის­თვის", - ნათ­ქვა­მია უწყე­ბის გან­ცხა­დე­ბა­ში

წყარო: palitravideo.ge

ზოდიაქოს 3 ნიშანს, 2026 წლის შემოდგომაზე ფინანსურად გაუმართლებს

2026 წლის შემოდგომა ასტროლოგიურად საინტერესო პერიოდად მიიჩნევა. იუპიტერი, რომელიც ასტროლოგიაში ზრდას, გაფართოებასა და შესაძლებლობებს უკავშირდება, 30 ივნისიდან ლომის ნიშანში იმყოფება. ამ გავლენის ფონზე, ზოდიაქოს სამი ნიშნისთვის განსაკუთრებით საინტერესო ფინანსური და კარიერული შესაძლებლობები იკვეთება:

კირჩხიბი - ფინანსური მდგომარეობის გაუმჯობესების შანსი
ასტროლოგიური პროგნოზების მიხედვით, კირჩხიბებისთვის 2026 წლის მეორე ნახევარი ფულისა და მატერიალური სტაბილურობის თემას უკავშირდება. შემოდგომაზე შესაძლოა, გაჩნდეს შემოსავლის გაზრდის, უკეთესი სამსახურის ან ფინანსური მდგომარეობის გამყარების შესაძლებლობა.

ეს პერიოდი განსაკუთრებით ხელსაყრელად მიიჩნევა მათთვის, ვინც დიდი ხანია, საკუთარი შრომის უკეთ დაფასებასა და უფრო სტაბილური შემოსავლის მიღებას ცდილობს.

ლომი - შესაძლებლობა, რომელიც წარმატებად შეიძლება, იქცეს

იუპიტერის ლომის ნიშანში გადასვლა თავად ლომებისთვის ახალი შესაძლებლობების პერიოდს უკავშირდება. ასტროლოგიური პროგნოზების მიხედვით, შემოდგომაზე შეიძლება გაიზარდოს მათი თავდაჯერებულობა, საზოგადოების მხრიდან აღიარება და პროფესიული წარმატების შანსი.

ახალი პროექტი, კარიერული წინსვლა ან საკუთარი შესაძლებლობების სწორად გამოყენება ფინანსური მდგომარეობის გაუმჯობესების ერთ-ერთი მთავარი გზა შეიძლება, გახდეს...

მორიელი - კარიერული წარმატება და ახალი პერსპექტივები

მორიელებისთვის 2026 წლის მეორე ნახევარი, განსაკუთრებით კი შემოდგომა, კარიერულ წინსვლასა და პროფესიულ აღიარებას უკავშირდება. ასტროლოგიური პროგნოზების თანახმად, შესაძლოა, გაჩნდეს ახალი სამუშაო შესაძლებლობა, დაწინაურების შანსი ან პროფესიული საქმიანობის გაფართოების პერსპექტივა.

ეს ცვლილებები კი, ბუნებრივია, ფინანსურ მდგომარეობაზეც დადებითად აისახება.

წყარო: beaumonde.ge

საქართველოში მიწისძვრა მოხდა

საქართველოში მიწისძვრა მოხდა. ეპიცენტრი დმანისის მუნიციპალიტეტი, სოფელ მამიშლარია.

ბიძგების სიმძლავრემ 3,2 მაგნიტუდა შეადგინა.

დამატებითი ინფორმაცია არ გავრცელებულა.

წყარო: primetime.ge

"მეორე შოკისმომგვრელი ინფორმაციით გიბრუნდებით" - კობა ახალაძის ახალი ვიდეომიმართვა

"მეორე შოკისმომგვრელი ინფორმაციით გიბრუნდებით" - კობა ახალაძის ახალი ვიდეომიმართვა.

ცნობისთვის, 12 წლის წინ და­კარ­გუ­ლი გუ­რამ და­დი­ა­ნი­ძის პი­რად Facebook გვერ­დზე ოსურ დი­ა­ლექ­ტზე პოს­ტი გა­მოქ­ვეყ­ნდა.



ვინ და­წე­რა აღ­ნიშ­ნუ­ლი პოს­ტი, ამ დრო­ის­თვის უც­ნო­ბია. უც­ნო­ბია და­მა­ტე­ბი­თი დე­ტა­ლე­ბიც.

წყარო: ​palitravideo.ge/​​​

"ეს მხოლოდ გამოძიებასთან მაქვს გაჟღერებული და აქამდე არ გამიჟღერებია" - რას ამბობს ანა გელაშვილი გურამ დადიანიძის გაუჩინარების შესახებ?

ვრცელდება პოდკასტის "სამართალს მიღმა" ანონსი. გადაცემის სტუმარი მლეთაში გურამ დადიანიძესთან ერთად ექსკურსიაზე მყოფი ანა გელაშვილია.

"გურიკამ აქეთ შემოგვთავაზა ექსკურსიაზე წასვლა. ვვარაუდობ, რომ ის მონასტერშია" - ამბობს ანა გელაშვილი.

წყარო: palitravideo.ge

ჯარიმა 200 და 300 ლარია - მნიშვნელოვანი ინფორმაცია მოქალაქეებისთვის

მიუხედავად იმისა, რომ საქართველომ წარმატებით შეძლო საზოგადოებრივი თავშეყრის სივრცეების, კაფეებისა და რესტორნების თამბაქოს კვამლისგან გათავისუფლება, კანონის აღსრულება სერიოზულ გამოწვევად რჩება დახურულ ოფისებსა და დაცულ ტერიტორიებზე,

სადაც სპეციალური საშვების გარეშე შესვლა შეუძლებელია, – ამის შესახებ ნათქვამია თამბაქოს კონტროლის ალიანსის ინფორმაციაში.

მათივე ინფორმაციით, „სუფთა ჰაერი და ჯანსაღი სამუშაო გარემო არ არის ფუფუნება ან ვინმეს კეთილი ნება, ეს არის კანონით გარანტირებული ფუნდამენტური უფლება“.

„სახელმწიფო მონიტორინგის ჯგუფები სადაც მყისიერად ვერ ხვდებიან, ვიზიტორები და თანამშრომლები ხშირად აწყდებიან რეალობას, კვლავ ფუნქციონირებს ფარული „მოსაწევი ოთახები“ ან სამუშაო კაბინეტები თამბაქოს კვამლშია გახვეული.

კოლეგებთან კონფლიქტის შიში და „კოლეგიალობის“ მცდარი გაგება ადამიანებს საკუთარი ჯანმრთელობის დაცვაში უშლის ხელს. განსაკუთრებით მივმართავთ ტელევიზიებსა და საინფორმაციო სააგენტოებს, საზოგადოებრივი აზრის მთავარ შემქმნელებს. როდესაც მედია ეთერში ჯანსაღ ცხოვრებასა და კანონის უზენაესობაზე საუბრობს, ხოლო კადრს მიღმა (სარეჟისოროში, სამონტაჟოში თუ ოფისში) თამბაქოს კონტროლის კანონს თავადვე არღვევს, სისტემურ ნიჰილიზმს აჩენს. გავრცელებული არგუმენტი – „დაძაბული გრაფიკის“ შესახებ, სამართლებრივად და მორალურად გაუმართლებელია.

მწეველ ქირურგს, რომელიც მრავალსაათიან ურთულეს ოპერაციას ატარებს, ხომ არ მიეცემა უფლება, საოპერაციო ბლოკში მოითხოვოს მოსაწევი კუთხე? პროფესიული სტრესი ან დაძაბული გრაფიკი ვერასდროს გახდება სხვისი ჯანმრთელობის დაზიანების ლეგიტიმური საფუძველი. შეგახსენებთ, დახურულ სივრცეში თამბაქოს (მათ შორის ელექტრონული სიგარეტისა და გასახურებელი თამბაქოს) მოწევისთვის პასუხისმგებლობა მკაცრია:

საპატრულო პოლიცია (112): მყისიერად რეაგირებას გამოძახებაზე და აჯარიმებს დამრღვევ დაწესებულებას ან/და ფიზიკურ პირს.

ფინანსური სანქციები დაწესებულებებისათვის: იურიდიული პირისთვის ჯარიმა პირველ ჯერზე 500 ლარია, განმეორებისას 1 000 ლარია, ხოლო მესამე და ყოველ მომდევნო ჯერზე ერთი წლის განმავლობაში 2 000-2 000 ლარია.

ფიზიკური პირისთვის: ჯარიმა პირველ შემთხვევაში შეადგენს 100 ლარს, განმეორებისას 200 ლარს, ხოლო მესამე და ყოველ მომდევნო ჯერზე ერთი წლის განმავლობაში შეადგენს 300-300 ლარს. კანონის სრულფასოვანი აღსრულებისთვის აუცილებელია:

1. დარეკეთ 112-ზე ან მოკლე ტექსტური შეტყობინება გააგზავნეთ 112-ის მობილურ აპლიკაციაზე და მოითხოვოთ ანონიმურობა ან მიწერეთ ფეისბუქის გვერდის “ნუ მაბოლებ” ადმინისტრაციას, სადაც მნიშვნელოვანია გააზიაროთ სამართალდარღვევის ფაქტის ამსახველი ფოტო ან ვიდეო მასალა. ანონიმურობა აქაც დაცული იქნება.

2. მონიტორინგის გაძლიერება: „ჯანმრთელობის ხელშეწყობის“ სახელმწიფო პროგრამას უნდა გამოეყოს მეტი რესურსი თამბაქოს კონტროლის კანონმდებლობის აღსრულების მონიტორინგისათვის, რათა გეოგრაფიულად უფრო მასშტაბური გახდეს ე.წ. “ჩაკეტილ” სივრცეებში დარღვევების აღმოჩენა და მათზე ოპერატიული რეაგირება;

3. საინფორმაციო კამპანიები: ფართომასშტაბიანი ცნობიერების ამაღლების კამპანიები ასევე მნიშვნელოვანია, რათა დასაქმებულებმა იცოდნენ თავიანთი უფლებები.

მოგიწოდებთ ყველას: ნუ ითმენთ მეორად კვამლს, ნუ შეეგუებით კანონის დარღვევას და აიძულეთ დამსაქმებლები, პატივი სცენ თქვენს ჯანმრთელობასა და სიცოცხლეს!“, – აღნიშნულია ინფორმაციაში.

წყარო: primetime.ge

მთავარი ნიშნები, რომ სისხლძარღვებში საშიში თრომბი გაქვთ

თრომბოზი სრულიად განკურნებადია, მაგრამ ადამიანები, რომლებსაც ეს პრობლემა აქვთ, რისკის ქვეშ არიან, რადგან შემთხვევების მესამედში თრომბები სიკვდილს იწვევს.

ჯანმრთელობაზე ყურადღების მიქცევა და ექიმთან დროული კონსულტაცია არა მხოლოდ გიხსნით სისხლის მიმოქცევის პრობლემებისგან, არამედ გადაარჩენს თქვენს სიცოცხლეს. პირველ რიგში, მოდით შევეხოთ სისხლძარღვებში სისხლის შედედების გამომწვევ მიზეზებს.

სხეული მათი ფორმირების დახმარებით ცდილობს დაზიანებული სისხლძარღვების შეკვრას და ეს პროცესი სრულიად ნორმალურია. თუმცა, სისხლის შედედება შეიძლება არასწორად ჩამოყალიბდეს და სავალალო შედეგი გამოიწვიოს. არასწორ ადგილას წარმოქმნილი სისხლის შედედება არღვევს სისხლის მიმოქცევის სისტემას და იწვევს ადამიანის ჯანმრთელობის სერიოზულ პრობლემას.

არსებობს რამდენიმე ფაქტორი, რომელიც იწვევს სისხლის შედედებას.

ისინი ყველაზე ხშირად ასოცირდება ცუდ ჯანმრთელობასთან, ცუდი ცხოვრების წესთან და სხვადასხვა პირობის იგნორირებასთან - ჭარბი წონა სიმსუქნის ეტაპზე; ონკოლოგია და მასთან დაკავშირებული მკურნალობის პროცედურები;
თრომბოზული დარღვევები - კუნთების, ლიგატების მოტეხილობები და რღვევები
ქირურგიული ჩარევა, განსაკუთრებით გადაადგილების იძულებითი შეზღუდვით;
ოპერაციის შემდეგ, ნადები, თაბაშირი;
უძრაობა დიდი ხნის განმავლობაში: ფრენები, დიდი ხნით ჯდომის ჩვევა გადაჯვარედინებული ფეხებით;
ჰორმონალური თერაპია, განსაკუთრებით ესტროგენით;
ორალური კონტრაცეპტივები ესტროგენით;
ორსულობის მდგომარეობა და აღდგენის პერიოდი მის შემდეგ;
გულის პრობლემები: არარეგულარული რიტმი, წინაგულების ფიბრილაცია.

წყარო: ​primetime.ge​​​

+39 გრადუსი - როგორი ამინდია მოსალოდნელი 29 ივლისიდან 5 აგვისტომდე

საქართველოში 29 ივლისიდან 5 აგვისტომდე უმეტეს რეგიონში კვლავ ცხელი და უმეტესად უნალექო ამინდია მოსალოდნელი.

გარემოს ეროვნული სააგენტოს პროგნოზით, ქვეყნის დაბლობ რაიონებში ჰაერის ტემპერატურა დღის საათებში ძირითადად +35…+38 გრადუსის ფარგლებში იქნება, ხოლო ცალკეულ ადგილებში შესაძლოა +39 გრადუსამდეც მოიმატოს.

სინოპტიკოსების ინფორმაციით, დედაქალაქ თბილისში ამ პერიოდის განმავლობაში მზიანი და ცხელი ამინდი შენარჩუნდება. დღის მაქსიმალური ტემპერატურა ძირითადად +35…+37 გრადუსიიქნება, ღამით კი +20…+23 გრადუსამდე დაიკლებს. ქარი უმეტესად ჩრდილო-დასავლეთის მიმართულებიდან დაუბერავს.

მთიან და მაღალმთიან რეგიონებში დღის მეორე ნახევარში ადგილ-ადგილ შესაძლებელია ხანმოკლე წვიმა და ელჭექი, თუმცა ხანგრძლივი ნალექი მოსალოდნელი არ არის. სანაპირო ზოლში კი მაღალი ტემპერატურის ფონზე პერიოდულად ქარის გაძლიერებაა შესაძლებელი.

წყარო: primetime.ge

რას მოუტანს 29 ივლისის სავსემთვარეობა ზოდიაქოს ნიშნებს - ასტროლოგის ვრცელი პროგნოზი

ასტროლოგი ნინა ხომერიკი სოციალურ ქსელში 29 ივლისის სავსემთვარეობის შესახებ ვრცელ პოსტს აქვეყნებს და წერს, თუ რა გავლენა ექნება ამ მოვლენას ზოდიაქოს თითოეულ ნიშანზე.

„29 ივლისს, თბილისის დროით 18:36 წუთზე (GMT 14:36) მოხდება სავსემთვარეობა მერწყულის ზოდიაქოს ნიშანში, რომელსაც „ირმის მთვარესაც“ უწოდებენ, რაც ენერგეტიკულად ძლიერი და ემოციური პერიოდია. სავსემთვარეობა ჩვეულებრივ ასოცირდება დასრულებასთან, ემოციების გაძლიერებასთან და შედეგების გამოვლენასთან, თუმცა, ეს სავსემთვარეობა გაძლიერებულია არა მხოლოდ მერწყულის ენერგიებით, არამედ პლუტონისა და იუპიტერის ეპოქალური ოპოზიციით.

მერწყულის უნიკალური თვისება მდგომარეობს იმაში, რომ ამ ნიშანს შეუძლია გააერთიანოს წარსული და მომავალი, მისი მმართველი პლანეტებია: სატურნი - დროის, კარმის, ბედის, პასუხისმგებლობის მბრძანებელი, ის ასოცირდება სიბრძნესთან, გამოცდილებასთან და იმ ყველაფერთან, რაც უკვე შექმნილია, ხოლო მისი მე-2 მმართველია რევოლუციური ურანი, რომელიც მომავლის, პროგრესის, ევოლუციისა და იმ ყველაფრის მმართველია, რაც ჯერ კიდევ არ შექმნილა. თუ ამ ორ პლანეტას შევაფასებთ ასაკობრივად სატურნი გულისხმობს გამოცდილ, ხნიერ თაობას, ხოლო ურანი - მოზარდებს. ამიტომ, ეს სავსემთვარეობა ეხება თაობათა შორის ურთიერთობებსა და ეს მოვლენა გვახსენებს, რომ ჩვენი წარსული, ტრადიციები, წინაპრები და მათი გამოცდილება გვეხმარებიან არ დავუშვათ შეცდომები მომავალში. ამ პერიოდში, დრო თითქოს კრავს წრეს და უფროსი თაობის სიბრძნე იკვეთება მომავალი თაობის ოცნებებთან, სასიცოცხლო ძალებთან და ასეთ დღეებში, საუბრები ჩვენს ასაკოვან ოჯახის წევრებთან, უეცრად გვაძლევს პასუხებს ისეთ კითხვებზე, რაც დიდი ხანია გვაწუხებს, გვივსებს შინაგან სიცარიელეს და გვეხმარება გავიგოთ, თუ რა დაუმთავრებელ ოჯახურ ისტორიას და კარმას ვატარებთ წარსულიდან. ამ სავსემთვარეობას მოაქვს ძლიერი ენერგეტიკული მუხტი, ზოგადად, ასეთ დროს, მთვარე და მზე დგება ერთმანეთთან ოპოზიციაში და ქმნის ერთიან ენერგიის ხაზს, თუმცა ეს დღე გამორჩეულია იმით, რომ მთვარე გააკეთებს შეერთებას პლუტონთან, ხოლო მზე იუპიტერთან.

მერწყული არის ჩვენი მომავლის და ოცნებების სიმბოლო, თუმცა, ყველა მათგანს არ უწერია ასრულება და ამ სავსემთვარეობის დროს, ბევრი ადამიანი იტყვის უარს თავის აუხდენელ ოცნებებზე და შეცვლის მიმართულებას. ასეთ დროს, ის პროცესები, რომელიც გრძელდებოდა ინერციით და არ ჰქონდა განვითარების პოტენციალი საბოლოოდ დასრულდება, ხოლო ის ადამიანები, ვინც ჯერ კიდევ ფსიქოლოგიურად მზად არ არიან რაღაცების გასაშვებად, შეუძლიათ გაწელონ დრო 28 აგვისტომდე, სანამ არ მოხდება მთვარის დაბნელება. სავსემთვარეობა ასრულებს და დებს იმ მოვლენების შედეგებს, რომელსაც ჩაეყარა საფუძველი მერწყულში ახალმთვარეობის დროს, რაც მოხდა ა.წ. 17 თებერვალს. მნიშვნელოვანია ის ფაქტორიც, რომ სავსემთვარეობა მოხდება მზისა და იუპიტერის ზუსტი შეერთების დროს, რადგან ზუსტად ამ დღეს, ჩვენ შეგვიძლია დავსახოთ გეგმა, რა მიმართულებით და საქმით შევძლებთ გავზარდოთ საკუთარი თავი და გავლენები წლის განმავლობაში, ამიტომ, ამ დღეს მნიშვნელოვანია გავაძლიეროთ ჩვენი იუპიტერი. მერწყული გულისხმობს სისწრაფეს, პროგრესს, ამიტომ ასეთ დროს ის გარემოებები, რომელიც აუჩქარებლად და მდორედ მიმდინარეობდა თვეების განმავლობაში ახლა ერთიანად განვითარდება. ახლა შეიძლება მოგეჩვენოთ, რომ მომავალი შევიგრძნოთ ფიზიკურად, სავსემთვარეობა არ ქმნის ახალს, ის უბრალოდ გვინათებს მოვლენებს. ახლა ყველა შეგრძნება ხდება მკვეთრი და შესაძლოა მოგვეჩვენოს, რომ ადამიანების განწყობა და ხასიათი ხელს შეუწყობს შექმნას ფიზიკურად საგრძნობი დაძაბულობა სამყაროში, იუპიტერისა და პლუტონის მონაწილეობა ამ პროცესში შესძენს დიდ მასშტაბს, გრანდიოზულობას და საკრალურ მნიშვნელობას იმ პროცესებისა და შედეგების, რომელსაც მივიღებთ. ამ პერიოდში, ყველაფერი ის, რაც ეკუთვნის ჩვენს მომავალს მოგვიახლოვდება და გახდება უფრო ნათელი, ხოლო ის რაც ყალბი, ზედაპირული და პრერენზიულია დაკარგავს თავის მომხიბვლელობას, ხოლო ყველაფერი ნამდვილი, რეალური და ჭეშმარიტი შეიძენს ძალას. ასევე ჩვენი ცხოვრებიდან წავა ის ყველაფერი, რაც ეფუძნებოდა ილუზიებს, შიშებსა და ჩვევებს. ამ სავსემთვარეობის პერიოდში, აგრეთვე აქტუალური იქნება პირადი ურთიერთობების თემებიც, მივხვდებით რეალურია თუ არა ჩვენი გრძნობები, თუ უბრალოდ მოგვწონს ჩვენი როლი, ამ ურთიერთობაში ან თუ ხომ არ ვსჯით ამ ურთიერთობებით საკუთარ თავს.

2026 წლის 29 ივლისის სავსემთვარეობის მთავარი თემები უკავშირდება:

* ბოლო ექვსი თვის განმავლობაში განვითარებული მოვლენების საბოლოო ეტაპზე გადასვლას, დასრულებასა და გათავისუფლებას;

* შესაძლოა გამოიკვეთოს ინფორმაცია, რომელიც აქამდე დაფარული იყო და გამჟღავნდეს სიმართლე;
* უფრო თვალსაჩინო ხდება ემოციური საკითხები; ზოგი ურთიერთობა შეიძლება გაძლიერდეს, ზოგიც საბოლოოდ დასრულდეს;

* სამსახურისა და კარიერის კუთხით შესაძლებელია დასრულდეს მნიშვნელოვანი პროექტი ან მიიღოთ თქვენი შრომის შედეგი;

* ბევრი ადამიანი, ამ პერიოდში გახდება უფრო მგრძნობიარე, იმატებს ემოციური ფონი და გაძლიერდება ინტუიცია.

ვერძი:
სავსემთვარეობა ხვდება თქვენს მე -11-ე სახლში, ხოლო მზის და იუპიტერის შეერთება მე -5-ე სახლში – აქცენტები გაკეთდება სიყვარულზე, შემოქმედებასა და შვილებთან დაკავშირებულ საკითხებზე. შეიძლება დასრულდეს მნიშვნელოვანი რომანი ან შემოქმედებითი პროექტი.

კურო:
სავსემთვარეობა ხვდება თქვენს მე -10-ე სახლში, ხოლო მზის და იუპიტერის შეერთება მე -4-ე სახლში – ამ პერიოდის მთავარი თემებია ოჯახი, საცხოვრებელი და პირადი უსაფრთხოება. შესაძლებელია მიიღოთ მნიშვნელოვანი გადაწყვეტილებები სახლის, ოჯახის, კარიერის, მიზნებისა და პირადი სტატუსის საკითხებში.

ტყუპები:
სავსემთვარეობა ხვდება თქვენს მე- 9-ე სახლში, ხოლო მზის და იუპიტერის შეერთება მე -3-ე სახლში აქტიურდება კომუნიკაციები, სწავლა, საბუთები და მოკლე მოგზაურობები. შესაძლოა მიიღოთ მნიშვნელოვანი ინფორმაცია, რაც შეცვლის თქვენს გეგმებს.

კირჩხიბი:

სავსემთვარეობა ხვდება თქვენს მე -8-ე სახლში, ხოლო მზის და იუპიტერის შეერთება მე-2-ე სახლში – წინა ხაზზე გამოდის ფინანსები, შემოსავალი და თვითშეფასება. შეიძლება დაასრულოთ ძველი ფინანსური საქმიანობა, გამოჩნდეს ახალი შესაძლებლობები და აიღოთ ახალი ფინანსური პასუხისმგებლობები საკუთარ თავზე.

ლომი:

სავსემთვარეობა ხვდება თქვენს მე-7-ე სახლში, ხოლო მზის და იუპიტერის შეერთება 1-ელ სახლში – დგება პირადი ცხოვრების მნიშვნელოვანი ეტაპი. შესაძლოა შეიცვალოთ იმიჯი, მიიღოთ მნიშვნელოვანი გადაწყვეტილებები, გაქვთ უნიკალური შანსი შექმნათ თქვენი თავის ახალი ვერსია და დაასრულოთ ძველი ცხოვრების ციკლი.

ქალწული:

სავსემთვარეობა ხვდება თქვენს მე- 6-ე სახლში, ხოლო მზის და იუპიტერის შეერთება მე-12-ე სახლში – დროა დაისვენოთ და გათავისუფლდეთ ისეთი ფარული პროცესებისგან და ძველი ტვირთისგან, რაც გართმევდათ ძალებს. შეძლებთ მოაგვაროთ საქმიანობასთან და პირადთან დაკავშირებული პრობლემები, კარგი პერიოდია შინაგანი გააზრებისთვის და სამომავლო გეგმების ჩამოსაყალიბებლად.

სასწორი:

სავსემთვარეობა ხვდება თქვენს მე- 5-ე სახლში, ხოლო მზის და იუპიტერის შეერთება მე- 11-ე სახლში – აქტიურდება ის პროცესები, რომელიც უკავშირდება მეგობრებს, კოლექტივსა და სამომავლო გეგმებს. ზოგიერთი თქვენი მიზანი და ოცნება რეალობად იქცევა, ხოლო ის რაც უკავშირდებოდა ილუზიებს, ტყუილებსა და ფანტაზიებს სწორად შეაფასებთ და დაასრულებთ.

მორიელი:

სავსემთვარეობა ხვდება თქვენს მე-4-ე სახლში, ხოლო მზის და იუპიტერის შეერთება მე- 10-ე სახლში –მნიშვნელოვანი შედეგები დაიდება კარიერისა და საზოგადოებრივი სტატუსის სფეროში. მოსალოდნელია დიდი წინსვლები, დაწინაურება, ახალი საქმის დაწყება ან მიმართულების რადიკალური ცვლილება, ასევე მათთვის, ვისთვისაც აქტუალურია, საბოლოოდ გაირკვევა უძრავი ქონების და ოჯახური ურთიერთობების თემები.

მშვილდოსანი:

სავსემთვარეობა ხვდება თქვენს მე- 3-ე სახლში, ხოლო მზის და იუპიტერის შეერთება მე- 9-ე სახლში – კულმინაციაში გადის ის საკითხები, რომელიც უკავშირდება განათლებას, მოგზაურობას, სამართლებრივ ან საერთაშორისო საკითხებს, ემიგრაციას, საბუთების მომზადებას, სხვა ქვეყანაში საცხოვრებლად გადასვლის გადაწყვეტილებას ან სასწავლებლად წასვლას.

თხის რქა:

სავსემთვარეობა ხვდება თქვენს მე- 2-ე სახლში, ხოლო მზის და იუპიტერის შეერთება მე- 8-ე სახლში – ამ პერიოდის მთავარი თემებია თქვენი და თქვენი პარტნიორის საერთო ფინანსები, კრედიტები, ინვესტიციები, ქონება და ღრმა ემოციური კავშირები. იპოვით მყარ საყრდენს და გადააფასებთ თქვენს დამოკიდებულებებს.

მერწყული:

სავსემთვარეობა ხვდება თქვენს 1-ელ, ხოლო მზის და იუპიტერის შეერთება მე- 7-ე სახლში – გადამწყვეტ ეტაპზე გადადის პირადი და საქმიანი პარტნიორული ურთიერთობები. შესაძლოა ახალი შეთანხმებების გაფორმება, ახალი იდეები და წამოწყებები, დასრულდება ძველი, სტაგნაციაში მყოფი ურთიერთობები და სიტუაციები.

თევზები:

სავსემთვარეობა ხვდება თქვენს მე- 12-ე სახლში, ხოლო მზის და იუპიტერის შეერთება მე-6-ე სახლში – თქვენთვის განსაკუთრებულად მისტიკური იქნება ეს სავსემთვარეობა, გაგიძლიერებთ ინტუიციას, ემოციებს, ქვეცნობიერს, იგრძნობთ შინაგან ძალებს, შეძლებთ გათავისუფლდეთ არა საინტერესო სამუშაოსგან დაასრულოთ მნიშვნელოვანი პროექტი, თქვენს ყურადღებას მოითხოვს ჯანმრთელობა და საჭიროა ყოველდღიური რეჟიმის და ჩვევების ცვლილება. გისურვებთ თქვენი ოცნებების ასრულებას“, - წერს ნინა ხომერიკი.

წყარო: primetime.ge